სამოქალაქო განათლებისა და პედაგოგთა გადამზადების პროგრამის ფარგლებში ქ.ქუთაისის 31-ე საჯარო სკოლის სამოქალაქო კლუბ "ინდიგოს"ლიდერი,ნორიკო თავბერიძე, როგორც  კლუბის ერთ-ერთი აქტიური წევრი მოხვდა სამოქალაქო კლუბის საგაზაზაფხულო ბანაკში.

ბანაკური ცხოვრება ხუთ დღეს გაგრძელდა. თითოეული დღე მაქსიმალურად  დატვირთული იყო მრავალმხრივ საინტერესო და სახალისო ღონისძიებებით.  

ტარდებოდა ტრენინგები, რომლის მიზანიც იყო,ბავშვები დაუფლებოდნენ პროექტების წერას.

პროექტში რესპუბლიკის მასშტაბით მონაწილეობას  ასამდე  ბავშვი იღებდა.თითოეულ მათგანს გადაეცა სერტიფიკატი.

31-ე სკოლის სამოქალაქო კლუბიი "ინდიგო"  დიდ მადლობას უხდის განათლების გავნითარების და დასაქმების ცენტრს(KEDEC), სამოქალაქო ინიციატივების ქართულ ასოციაციას (SIQA) და მზიან სახლს.

   

      

         

 

                     

 
                                                            "სიცოცხლის მარში"

4 აპრილს ქუთაისში ჩატარდა აქცია სახელწოდებით:“ერთად დავიცვათ სიცოცხლე”
მსვლელობა ქალაქის ცენტრალური მოედნიდან დაიწყო და პარლამენტის შენობასთან გაგრძელდა.
აქციაში მონაწილება მივიღეთ კლუბის რვა წევრმა.

   

  

დისკუსია :

"                             "რწმენისა და აღმსარებლობის თავისუფლება"

                

"იმპულსი 91" ის წევრების : გიორგი ოკრიბელაშვილის, ქრისტინე მაღლაკელიძისა და მარიამ ქარქაშაძის მიერ ჩატარდა დისკუსია თემაზე "რწმენისა და აღმსარებლობის თავისუფლება" რომელსაც ესწრებოდნენ მე-9-10 -11 კლასის მოსწავლეები.

                                     
                                                 

„სიცოცხლის ხეივანი“

11 მარტს ბავშვთა და მოზარდთა საერთაშორისო ურთერთობების ცენტრი „IUNA AMIKO”-ს მიერ ჩატარდა ღონისძიება, რომლის მიზანიც იყო , გამოგვეხატა თანაგრძნობა და მხარდაჭერა დაავადებული ბავშვებისადმი. ღონისძიებაში მონაწილეობა მიიღო ჩვენი კლუბის ხუთმა წევრმა: ნორიკო თავბერიძე, მარი შალამბერიძე, გიორგი მელაძე, მარიამ შავგულიძე და ანი ხეცურიანი. დავასუფთავეთ ბავშვთა საავადმყოფოს გარკვეული ტერიტორია, და გავაშენეთ „სიცოცხლის ხეივანი“ .

“რა დროს პირად გრძნობებზეა ლაპარაკი. ამ დღეებში წყდება საქართველოს ბედ-იღბალი. გათავდა მსოფლიო დიდი ომი… ევროპა დაწყნარდა თითქოს… თითქოს ყველამ მოისვენაო… ჩვენ კი უბედურება დაგვატყდა თავს.. რა მოგველის, არ ვიცი!”

ამ სტრიქონების ავტორი 17 წლის მარო მაყაშვილია.
... კლუბის წევრებმა გადავწყვიტეთ ოკუპაციის დღესთან დაკავშირებით პატივი მიგვეგო ამ გმირი გოგონასათვის. ბავშვებმა წავიკითხეთ მისი დღიურიდან ამონარიდები, და ყველამ ერთხმად ვაღიარეთ , რომ ის ნამდვილად გმირი ადამიანი იყო !..

ჩვენი კლუბის წევრები გულწრფელ სოლიდარობას, თანაგრძნობას და აღტაცებას გამოვხატავთ უკრაინელი ხალხის უმაგალითო გამძლეობისა და თავგანწირული ბრძოლისადმი. 
უკრაინელმა ხალხმა აჩვენა, რომ იგი ღირსია დამოუკიდებლობისა. 
ღმერთი იყოს ჩვენი და ჩვენი მოძმეების__ უკრაინელი ხალხის მფარველი!!
გაუმარჯოს ქართველ და უკრაინელ ხალხს!! :)))

"ღმერთო მიმრავლე სათნოების დღე.."

ქუთაისში ჩატარდა აქცია სახელწოდებით "სიკეთის ეპიდემია." აქციაში მონაწილეობა მიიღო ჩვენი კლუბის სამმა წევრმა. აქციის მთავარი მიზანი არის ბიძგი მისცეს კეთილი საქმეების კეთებას. მონაწილეებმა მირზაანის უკან მდებარე ტერიტორიაზე, ერთობლივი ძალებით, სიმბოლურად „სიკეთის 2 ხე" დავრგეთ. ამის შემდეგ აქციაში ჩართულმა პირებმა მსვლელობა მოვაწყვეთ ძველი უბნის, მერიისა და წერეთლის ქუჩაზე. გამვლელებს სიმბოლურად „სიკეთის კანფეტებს“ ვურიგებდით, რომელსაც შებმული ჰქონდა თაბახის ფურცელზე დატანილი „კეთილი სურვილები“.

  ჩვენი კლუბის წევრები იყვნენ ტრენინგზე, სადაც შეხვდნენ ქუთაისის "მესხიშვილის" თეატრის   რეჟისორს, ბატონ გიორგი სიხარულიძეს. მათ განიხილეს მიზეზები, რომლებიც ახლანდელ თაობას   აშორებს თეატრს.

კლუბმა ჩაატარა კონკურსი"ორატორი", რომლის მიზანი გახლდათ ჩვენი სკოლის  IX-XII კლასების საუკეთესო სპიკერის გამოვლენა.

სასაუბრო თემები შერჩეულ იქნა 31-ე სკოლის სამოქალაქო განათლების პედაგოგის, ციალა კეპულაძის მიერ.
კონკურსი ჩატარდა ორ ეტაპად. გამარჯვებულები გამოვლინდნენ კომპეტენტური ჟიურის მიერ, რომელსაც შეადგენდნენ ჩვენივე სკოლის პედაგოგები: დალი თოთაძე, ქეთევან კიკალეიშვილი და ლეილა ტოტიკაშვილი.
გამარჯვებული გახდა მე-11' კლსდიდ მოსწავლე ანანო ნიქაბაძე, რომელსაც გადაეცა დიპლომი

ჩვენი კლუბის ლოგო

 შეხვედრა ელგუჯა თავბერიძესთან....

შევხვდით "საბას" პრემიის ლაურეატს ბ-ნ ელგუჯა თავბერიძეს. ავიღეთ მისგან საინტერესო ინტერვიუ. მწერალმა საჩუქრად გადმოგვცა სწორედ ის წიგნი, რომელშიც დაიმსახურა ეს პრემია.

"ტყე შევუნახოთ შვილებსა..."

 შევიძინეთ ნერგები  და სკოლის ეზოში დავრგეთ ნაძვები. მოსწავლეებმა ხაილისით მიიღეს მონაწილეობა სკოლის ტერიტორიის გამწვანება-დასუფთავებაში

"დედავ -სიცოცხლის დიდო საწყისო.."

                                 დავეხმარეთ ხუთშვილიან დედას ბავშვების                                                                        ტანსაცმლითა და საკვები პროდუქტით .                                                       პატარებს განსაკუთრებული     სიხარული მიანიჭა ჩვენ მიერ მიტანილმა ტკბილეულმა და სათამაშოებმა.

"საქმე ის არის, კაცს ის უყვარდეს, ვინც ბედისაგან დაჩაგრულია"...

კლუბის წევრებთან ერთად ვინახულეთ ჩვენი სკოლის ყოფილი მასწავლებელი ნაზი ჩხაიძე, რომელიც ბედის უკუღმართობის გამო, დღეს უმწეო მდგომარეობაშია.
 კლუბის ინიციატივითა და ჩვენი სკოლის გულისხმიერი მოსწავლეების დახმარებით შევაგროვეთ გარკვეული თანხა და სხვადასხვა საკვები პროდუქტით დატვირთულები ვესტუმრეთ მას.
         ამ მცირედი ყურადღებით მას ენით აღუწერელი სიხარული მივანიჭეთ. წამოსვლისას დავპირდით, რომ კვლავ ვინახულებდით.